اكـــــ قـــهررررر ــبـــر

أكــبر قهر لا جيــت تعشقــلـك انســــان
والــلي تحبــه ساهـــي ٍ مـا درى بــــك


وأكبــر قهـر تحــلم وتحلـم لــك ازمـــان
ويطيـــح حلمـــك ميـتــن ٍ عنـد بابـــك


وأكــبر قـهر تبنــي من سنيــن بنيــــان
وتشــوف بنٌيــك مــا تعــدى ترابــــك


وأكـــبر قــهر تسقــي مـن الورد بستـــان
وتمــوت بيــن يديـــك زهـرة شبابـــــك


وأكـــبر قـهر تـارد علـى البيـر ضميــان
وتشــوف بعـض الطيــن حايــس شرابــــك


وأكـــبر قـهر لاحطــوا النــاس نيشــان
كـل ٍ يزٌهــب وانــت ضايـــع زهابــــك


وأكـــبر قهــر تـرهي على حصــان خســران
يـــوم السبــق لا طحــت كـــل ٍ حكـى بـــك


وأكــبر قهــر لاصـرت ضايــع وعطشــان
ونفــس الطريــق اللــي يوديـك جابــــك


وأكـــبر قـهر صاحبــك لا جـاك خـــوٌان
لابــحت لــه بالســـر راح ووشـــى بــك

وأكــبر قهـر تعطـــي وتعطــي علشـــان
تــاخذ عقــب كــل العطايـــا حسابــــك


كــل مــا سبــق ذكــره علــى الشوف ماكـــان
حفنــة حـروف ٍ مــع بعضهـــا تشابــــك


ماهـــوب هــرج ٍ يِعجَـــنْ بفــم وللســـان
ولاهــو بـ عـود ٍ يكســره حــد نابــــك


إن كنــت فيمــا قلـــت تحتـــاج برهــــان
ناظــر وتلقــى فــي قصيـــدي جوابـــك !!


وإن كـنت فيمـا قـلت مخطـي وغلطــان !!أتـرك خطانــا وأنــت عطنـــا صوابـــك