كيف نجـعل منتدآأآأآأنـا احلـى وأفضـل منتدى؟؟!!

بسـم الله الرحمــــــن الرحيـــــم

مسـأآاآء \ صبـأآأآح الخير

اشحأآأآآلكـم يا اعضـاآأآء احلـى منتدى؟؟ عسآأآأكــم بخيـر و إن شـا الله دوؤوؤم بخيـر مب يـوؤوؤم


خلونا ايد وحده..عشان ننسب لمنتدآأآانا الأفضليـه
ولا تنســوؤوؤوؤون شعاآأآأرنا
((بقلب واحد..وبيد واحده..نمضي قدما..لنبلغ قمما))

السلام عليكم ورحمة الله وبركاته"




ما هو المنتدى ؟ ؟




المنتدى هو بيتك الثاني وفيه اصدقائك واخوانك يشاركون معاك في المعرفه وفي المزح ويزعلون لزعلك ويفرحون لفرحك ..

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر فيه بين اصدقائه ..

فكيف نجعل منتدانا هو الأفضل ؟؟
الحل بسيط




* اولاً :
(( تشجيع الأعضاء الجدد ))



هذي هي البدايه وأنت أكيد تتذكر أول يوم ييت فيه للمنتدى وكتبت موضوع وكم تمنيت يرد عليك الكل ،، وبالتشجيع للأعضاء الجدد من قبل المشرفين والمشرفات فهم يحثونهم على الابداع فمنهم سيخرج لنا كتاب رائعين في الأدب والشعر وكتاب متميزين في النقاشات والحوار أو في أي مجالات اخرى
والعضو الي دايم يكون الأول في الترحيب ،، حبيب وقلبه طيب




* ثانياً :
(( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))



وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الابداع أكثر فاكثر وأنت اذا رديت على مواضيعهم الكل بيرد على موضوعك إذا كان يستحق .
والعضو اللي دايم يرد على المواضيع يسمى ،، محبوب الكل




* ثالثاً :
(( تشجيع المواضيع التي يكتبها اصحابها ))..



أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر
والعضو الي دايم يكتب مواضيعه بنفسه ،، هذا نشيط ومتميز..




رابعاً :
(( الكلمة الطيبه ))..



وهي أن تكتب كلمة ( شكرا على هذا الموضوع ) كلمات قليله ما راح تتعبك او تنقص من قدرك ،، كثير ما نشوف مواضيع عدد قرائها فوق السبعين او الثمانين ومن هولاء فقد يرد على صاحب الموضوع واحد او اثنين وأكثر الأحيان تجد الموضوع خالي من أي رد ..!!
يعني أنت تبا الكل يرد على موضوعك وأنت ما تكلف على عمرك وتجامل صاحب الموضوع ..عيل وشو له تشارك وتتعب عمرك




خامسا:
(( التواصل بين الأعضاء ))



التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر لا سمح الله يعني حتى أهلك ما دروا عنك ،، وتدخل للمنتدى والكل مشتاقين لك ويسألون عنك ،، أكيد بتتشقق من الفرحه ومحد قدك ) هههه
ويسمى العضو اللي دايم يسأل عن الاعضاء ،، ياطيب القلب وينك .. يا حظك




سادسا :
(( التقليل من المواضيع المنقوله ))



بعض المواضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) وهذا الشىء مب من مصلحة العضو الذي يبغي يستفيد , عيل اقرأصحيفه او مجله او تابع الاخبار في التلفزيون احسن )



سابعا :
(( لاتصير خفيف ولا ثجيل دم))


يجيك عضو يكتب كل يوم عشر مواضيع وفي كل قسم يحط له ست مواضيع ،، ويالله يالله نرد على نص مواضيعه ولا نلحق .
وطبعا انا ما اقصد اي عضو او مشرف من المشرفين بس يمكن يحدث هذا الشىء بعدين وهذا الشىء للتنبيه أو التذكير .



ثامنا :
(( أن تكون المحاوره مرتبه ))



يعني يجي اي عضو ويتعب ويكتب موضوع جاد ومهم ويتوقع أنه بيرد عليه ويناقشه الكل لانه تعب فيه وأجتهد فيه ,, وبعدين يرد عليه اي عضو آخر برد آخر بعيد عن الرد المطلوب يعني الموضوع في الشمال وهو يرد من الجنوب ,, ويخترب الموضوع أو ينقلب الى شات . .
( المواضيع الجاده والمهمه تحتاج الى رد جاد وبعكسها المواضيع الفرفشه يرد عليها برد مزوحي أو ساخر )




* وأخيراً *

المنتدى ليس بعدد اعضائه ،،

بل بترابط اعضاءه كالأسرة الواحده وكما قال رسول الله عليه افضل الصلاة والسلام

مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى وقوله عليه الصلاة السلام

((المؤمن للمؤمن كالبنيان يشد بعضه بعضا )) ..


خلونا نستفيد من هذي النقاط اللي تحصل كثير في واقعنا..ونتجنب بعضها اللي تسيء لمنتدانا


اتمنى للجميع التوفيق